बाणगंगा ६ का गठबन्धन उम्मेद्धारको अपिल : दल बदल्न पर्दैन मन बदल्नुहोस हामी वडा मुहार बदल्छौ

कोपवा, संवाददाता । कपिलवस्तुको बाणगंगा ६ मा साझा गिलास चिन्हका उमेद्वारहरुले मतदातालाई यसपाली मन बदलेर मतदान गर्न अपिल गरेका छन् । आफुहरु जनुसुकै पार्टीमा आस्थावान भएपनी यसपटक गिलास साझा चिन्ह भएको हुदा दल बदल्न नपर्नै तर वडाको विकास र संमृद्धि सुशासनका लागि मन बदल्ने बेला आएको बताएका छन् ।

घरदैलो कार्यक्रम अन्र्तगरको विभिन्न ठाउको कोण सभामा बोल्दै उमेदवारहरुले लामो राजनैतिक यात्रामा हालसम्म अविचलित र अविराम यात्रामा रहेकै बेला गठबन्धन भई साझा उमेद्वार भएकोले सवैलाई हातेमालोको लागि अनुरोध गरेका हुन् ।

गिलास चुनाव चिन्हबाट साझा वडाध्यक्षका उमेद्वारका रुपमा रहेका राम प्रसाद बेल्वासे , खुल्ला सदस्य विनोद कुमार परियार शोभावती थारु, महिला सदस्य रिता पाण्डे दलित सदस्य दुर्गा सुनुवार लगाएको टोली मतदाताको घरदैलो पुगेको हो ।

घरदैलो पुग्दा जनमानसमा नेतृत्व परिवर्तनका लागि उत्साह जागेको र अभियान टोलीलाई उत्प्रेरण जागेको बताईएको छ । घरदैलो अन्र्तरगत वडा विभिन्न ठाउँमा ¥याली सहित नाचगाँन समेत गरिएको थियो ।