जसपा प्यूठानले दियो ६ पालिकामा उम्मेद्वारी

प्युठान। जनता समाजवादी पार्टीले प्यूठानका ६ पालिकामा उम्मेद्वारहरुको घोषणा गरेको छ । शुक्रबार बसेको जिल्ला कमिटीको बैठकले सबै जिल्लाका सबै पालिकामा उम्मेद्वारहरुको नाम घोषणा गरेको हो ।

पार्टीले प्युठान नगरपालिकाको मेयरमा कर्णध्वज के।सी। उठाउने भएको छ । केसी जसपाका केन्द्रिय सदस्य समेत हुन् । सरुमारानि गाउँपालिकाको अध्यक्षमा घमानसिङ्ग गुरुङ र उपमेयरमा अनिसा पुनलाई पार्टीले अगाडी सारेको छ । गुरुङ जसपाका केन्द्रिय सदस्य हुन् ।

यस्तै पार्टीले स्वर्गद्वारी नगरपालिकाको मेयरमा सरिता खनाल र उपमेयरमा लुमाराम भण्डारी, सरुमारानि गाउँपालिकाको अध्यक्षमा घमानसिङ्ग गुरुङ र उपमेयरमा अनिसा पुन, ऐरावति गाउँपालिकाको अध्यक्षमा मुक्त जिएम र उपाध्यक्ष राधा थापा, झिम्रुक गाउँपालिकाको अध्यक्षमा कुलचन्द्र पोख्रेल र उपाध्यक्षमा रचना थापा र मल्लारानि गाउँपालिकाको अध्यक्षमा मधब शर्मालाई उठाउने पार्टीले निर्णय गरेको छ ।

यस्तै बैठकले प्युठान नगरपालिका, सरुमारानि गाउँपालिका, ऐरावति गाउँपालिकाका वडा अध्यक्षहरुको नाम पनि घोषणा गरेको छ । बाँकी पालिका र वडाहरुको उम्मेद्वार पछि तय गरेपछि सार्वजनिक गरिने जसपाका युवा नेता विमल गिरीले जानकारी दिए ।