स्वास्थ्य बीमाको पहुँच पौने २१ लाखमा

सरकारले पाँच वर्षअघि लागू गरेको स्वास्थ्य विमा कार्यक्रमअन्तर्गत हालसम्म १७ अर्ब रुपैयाँ स्वास्थ्य उपचारमा खर्च भएको छ । स्वास्थ्य बिमा बोर्डका अनुसार चालू आवको फागुनसम्म विमकबाट उठेको २७ अर्व १६ करोड ५९ लाखमध्ये विभिन्न अस्पताललाई दिएको शोधभर्ना अनुसार सो रकम खर्च भएको हो।

बोर्डले १७ अर्ब रुपैयाँ भुक्तानी गरे पनि यो अवधिमा देशभरका ४४१ अस्पतालले भने २४ अर्ब २५ करोड १८ लाख रुपैयाँको दाबी भुक्तानी माग पठाएका छन् । बोर्डका कार्यकारी निर्देशक डा. दामोदर बसौलाले अस्पतालले दाबी गरेको औषधी उपचार खर्चर बोर्डले गरेको भुक्तानीमा प्रचलित ऐन र नियमावली अनुसार कागजात फरक देखिएका कारण दाबी भुक्तानीमा अन्तर आएको बताए ।

अस्पतालहरुले २४ अर्वको विमा दाबी भुक्तानी माग गरे पनि बोर्डले कागजात मिलेका अस्पताललाई १७ अर्व भुक्तान गरेको हो। विगत ६ वर्षमा स्वास्थ्य बिमा कार्यक्रम अन्तर्गत सरकारले २० अर्ब ५९ करोड अनुदान र बिमाको प्रिमियक संकलन ६ अर्ब ५६ करोड रुपैयाँ गरी २७ अर्व संकलन भएको छ।

सरकारको लक्षित वर्गमा पर्ने विभिन्न आर्थिक तथा सामाजिक क्षेत्रका नागरिकको स्वास्थ्य बिमाबापतको बिमा रकमका लागि गत र चालू आर्थिक वर्षमा १५ अर्ब भन्दा अनुदान दिएको छ। नेपालको संविधान (२०७२) को धारा ५१ (१५) मा राज्यका नीति अन्तर्गत नागरिकको स्वास्थ्य विमा सुनिश्चित गर्दै स्वास्थ्य उपचारमा पहुँचको व्यवस्था सुनिश्चित गर्न सरकारले स्वास्थ्य बीमा कार्यक्रम लागू गरेको थियो । यो समाचार कारोबार दैनिकमा छ ।

95

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU