बाणगंगामा विद्यालय उमेरका बालबालिकालाई टाइफाइड बिरुद्ध खोप दिइयो

राजेन्द्र खनाल, कपिलवस्तु ।
लुम्बिनी प्रदेशका विभिन्न जिल्लामा बालबालिकालाई टाइफाइड विरुद्धको खोप लगउन सुरु गरिएको छ । स्वास्थ्य निर्देशनालयका प्रवक्ता रोशनलाल चौधरीका अनुसार लुम्बिनीमा १३ लाख १३ हजार ९ सय ८९ लाई टाइफाइड विरुद्धको खोप लगाउले लक्ष्य छ । सोही लक्ष्य अनुसार आज दाङबाट प्रदेश स्वास्थ्य, जनसंख्या तथा परिवार कल्याण मन्त्रालयको आयोजनामा देउखुरीको गोबरडिहामा टाइफाइड बिरुद्दको खोप अभियान स्वास्थ्य मन्त्री इन्द्रजित थारुले उद्घाटन गर्नुभएको छ ।
यता कपिलवस्तुको बाणगंगा नगरपालिकामा आज मोतिपुर स्वास्थ्य चौकीको आयोजनामा वडाका विभिन्न विद्यालयहरुमा अध्ययनरत १५ वर्षमुनिका बालवालिकाहरुलाई खोप प्रदान गरिएको छ । विशेष गरी १५ महिना देखि १५ वर्ष उमेर समुहका बालवालिकाहरुलाई दिइने सो खोप विद्यालय उमेरका बालवालिकाहरुलाई विद्यालयमै स्वास्थ्यकर्मीको टोली पुगेर दिएका छन् । बाणगंगा नगरपालिका वडा नम्बर ८ का करिब १७० बढी विद्यार्थीलाई आज खोप दिइएको मोतिपुर स्वास्थ्य चौकी प्रमूख हिमलाल घिमिरेले जानकारी दिनुभयो ।
चैत २८ सम्म संचालन हुने खोप अभियानमा सबै बालबालिकालाई खोप लगाएर सक्ने योजना रहेको उहाँले बताउनुभयो । बालबालिकाहरुलाई विद्यालयमै केन्द्र तोकेर खोप दिइएको छ । यस्तै विद्यालयमा खोप लगाउन छुटेकाहरुलाई चैत्र २९ गते टोल स्तरमा खोप कार्यक्रम संचालन हुने बताइएको छ ।
सरकारले १५ महिनादेखि १५ वर्ष उमेर समूहका सबै बालबालिकालाई टाइफाइडविरुद्धको खोप दिँने अभियान सुरु गरेको हो । देशभरमा यो उमेर समूहका बालबालिकाको संख्या करिब ७५ लाख रहेको परिवार कल्याण महाशाखाले जनाएको छ । स्कुल स्कुलमा गएर खोप दिने योजना बनाइए अनुसार अहिले कपिलवस्तुका प्रया सबैजसो पालिकामा खोप अभियान संचालन भईरहेको छ ।

102

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU