ओडिआईमा ज्ञानेन्द्रको पहिलो विकेट

काठमाडौं

आइसिसी विश्वकप लिग–२ अन्तर्गत त्रिकोणात्मक ओडिआई सिरिजमा पपुवा न्युगिनीविरुद्ध पूर्व कप्तान ज्ञानेन्द्र मल्लले महत्वपूर्ण सफलता दिलाएका छन् ।

शारजाह क्रिकेट स्टेडियममा टस जितेर पहिला ब्याटिङ रोजेको पपुवा न्युगिनीले सुरुवाती २५ ओभरमा ४ विकेट गुमाउँदै ९१ रन बनाएको छ । पपुवा न्युगिनीलाई ओपनर टोनी उरा र लेगा सिकायाले पहिलो विकेटका लागि ९.४ ओभरमा ५१ रनको साझेदारी गर्दै राम्रो सुरुवात दिलाए । आरिफको आउट साइड अफ बलमा एज लाग्दै उरा विकेटकिपर विनोद भण्डारीबाट २७ रनमा क्याच भए । उराले ३४ बलमा ५ चौका प्रहार गरे ।

१३ औं ओभरको अन्तिम बलमा सन्दीप लामिछानेले अर्का ओपनर लेगा सियाकालाई २५ रनमा बोल्ड आउट भए । उनले ३३ बलमा २ चौका प्रहार गरे । ज्ञानेन्द्रले २४ औं ओभरको अन्तिम बलमा पपुवा न्युगिनीका प्रमुख ब्याटर तथा कप्तान असाद भालालाई १९ रनमा कुशल भुर्तेलबाट क्याच गराए । ठूलो सट खेलेका भाला मिडअनमा क्याच हुन पुगेका थिए । उनले ५२ बलमा १ चौका प्रहार गरे ।

ज्ञानेन्द्रको ओडिआईमा यो पहिलो विकेट हो । पहिलो पटक ओडिआईमा बलिङ गरेका हुन् । ज्ञानेन्द्रले पार्ट टाइम स्पिनरको रुपमा बलिङ गरेका हुन् । हिरी हरी शून्यमा रन आउट भए । ज्ञानेन्द्रको सहयोगमा विनोद भण्डारीले रन आउट गराएका थिए । क्रिजमा चाल्स अमिनी १८ रनमा अविजित छन् ।

76

प्रतिक्रिया

खबर सबै

विष्णु पौडेल पक्राउविरुद्धको बन्दीप्रत्यक्षीकरण रिट खारेज

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU