गृह जिल्ला झापा आउँदै ओली, के-के छन् त कार्यक्रम?

झापा – प्रमुख प्रतिपक्षी दल नेकपा एमालेका अध्यक्ष केपी शर्मा ओली शनिबार झापा आउने भएका छन्।

ओली बिहान ८:३० बजे झापा आइपुग्ने कार्यक्रम रहेको एमाले झापाको प्रचार विभागले जनाएको छ।

बिहान ८:३० बजे भद्रपुर विमानस्थलबाट साेझै सालबारीस्थित सहिद स्मृति पार्कमा गएर बिहान ९:३० बजे सहिदकाे सालिकमा पुष्पगुच्छा अर्पण गर्दै श्रद्धाञ्जली व्यक्त गर्ने कार्यक्रम रहेको छ।

बिहान ११ बजे दमकमा खाना खाने र ११:३० बजे कमल गाउँपालिका वडा नं ६ खयरबारीमा रतुवा-मावा तटबन्धको शिलान्यास ओलीले गर्नेछन्।

१२:३० बजे बिर्तामोडकाे सिपी पार्टी प्यालेसमा आयाेजना गरिएकाे प्रेस चाैतारी नेपाल प्रदेश १ काे प्रथम अधिवेशनलाई सम्बाेधन गर्ने र १:३० बजे बिर्तामोडकाे सिटी सेन्टरमा रहेकाे साई पार्टी प्यालेसमा आयाेजित नेपाल खेलकुद महासंघ प्रदेश १ काे प्रथम अधिवेशनमा सम्बाेधन गर्ने कार्यतालिका रहेको एमाले झापाले जनाएको छ।

त्यसपछि बिर्तामाेडकाे डाेमालाल राजवंशी रंगशालामा आयाेजित पाँचाैं झापा गाेल्डकपकाे उद्घाटन गरी खेल हेर्ने कार्यक्रम रहेकाे छ।

ओली शनिबार साँझ ६ बजेकाे हवाई उडानबाट काठमाडाैँ फर्कने कार्यक्रम छ।