फुलबारी सामुदायिक वनको अध्यक्षमा जयलाल गिरी

जितपुर ।
कपिलवस्तुको बाणगंगा नगरपालिका वडा नम्बर ७ स्थित फुलबारी सामुदायिक वन उपभोक्ता समुहले नयाँ नेतृत्व चयन गरेको छ । वन कार्यसमितिको शनिबार सम्पन्न १९ औँ साधारण सभा तथा ७ आँै अधिवेशनबाट जयलाल गिरीको अध्यक्षतामा नयाँ नेतृत्वको निर्वाचन भएको हो ।
चुनावी प्रक्रियाबाट सम्पन्न अधिवेशनमा अध्यक्ष पदका उमेद्धारहरु जयलाल गिरीले २६३ र निवर्तमान अध्यक्ष शेषकान्त बेल्वासेले २१४ मत प्राप्त गरेका थिए । यस्तै गिरीको अध्यक्षतामा गठित नयाँ कार्यसमितिको उपाध्यक्षमा कृष्णप्रसाद गैरे, सचिवमा मिना क्षेत्री थापा, सह सचिवमा रामबहादुर बस्नेत, कोषाध्यक्षमा अम्बरबहादुर गुरुङ् चयन भएका छन् । यस्तै समितिको सदस्यहरुमा क्रमश ः प्रेमलाल गैरे, बसन्ता भुषाल, लालमणी बेल्वासे, लिल बहादुर राना (अनिल), तुल्सिराम थारु, प्रदिप क्षेत्री र ललित प्रसाद पौडेल चयन भएको हरिशंकर पौडेलले जानकारी दिएका छन् ।
कार्यक्रममा बाणगंगा नगरपालिका वडा नम्बर ७ का वडा अध्यक्ष विष्णु गिरीले वनको संरक्षण र विकासका लागि नयाँ गठित वन कार्यसमितिले नयाँ काम गर्ने विश्वास व्यक्त गरेका छन् । यस्तै उनले नव गठित समितिलाई बधाई पनि ज्ञापन गरेका छन् ।
कार्यक्रम फुलबारी सामुदायिक वन उपभोक्ता समितिका अध्यक्ष शेषकान्त बेल्वासेको अध्यक्षता सहित वडा अध्यक्ष विष्णु गिरीको प्रमुख आतिथ्यता सहित सचिव मिना क्षेत्री थापाको संचालनमा सम्पन्न भएको हो ।

84

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU