भारतमा क्रिप्टोकरेन्सी बनाइयो वैध, विद्युतीय मुद्रा पनि सञ्चालनमा आउने

एजेन्सी

भारत सरकारले मंगलवार प्रस्तुत गरेको बजेटमा डिजिटल क्षेत्रमा दुईवटा ठूला घोषणा गरिएका छन् ।

सन् २०२२ मै भारतको केन्द्रीय बैंक आरबीआईले ब्लकचेन र अन्य प्रविधिको उपयोग गर्दै आरबीआई डिजिटल रुपया भन्ने विद्युतीय मुद्रा जारी गर्ने घोषणा अर्थमन्त्री निर्मला सीतारमणले गरिन् ।

क्रिप्टोकरेन्सीलाई पनि वैध बनाउने बजेट भाषणमा उल्लेख छ । यसबाट हुने कमाइमा ३० प्रतिशत कर लगाइनेछ । भर्चुअल डिजिटल एसेट्सको करमा परिवर्तन गरेको सीतारमणले बताइन् ।

बजेटका अन्य पक्षको कुरा गर्दा पूँजी लगानीबाट रोजगार बढाउन ७.५५ लाख करोड भारुको प्रावधान ल्याइएको छ । ठूला उद्योग र एमएसएमई दुवैलाई यसले सहायता हुनेछ । महामारीले थिलथिलो भएको अर्थतन्त्र उकास्न यो आवश्यक थियो ।

जलवायु परिवर्तनको असर रोक्न सोभरेन ग्रीन बोन्ड्स पन जारी गर्ने निर्णय लिइएको छ । यसको रकम काबैन उत्सर्जनमा कमी ल्याउन सहयोगी हुने सरकारको विश्वास छ ।

सेमीकन्डक्टर निर्माणका लागि उद्योग विकास गर्ने कुरा पनि बजेटमा परेको छ । यसबाट निर्यातलाई पनि प्रोत्साहन पुग्नेछ ।

बजेटमा रोजगारी र गरीबहरूलाई सुविधाका प्रावधान पनि छन् । ६० लाख नयाँ रोजगारी सिर्जना गर्ने लक्ष्य बजेटले लिएको छ ।

गरीबहरूका लागि ८० लाख घर बनाइने योजना पनि छ । त्यसका लागि ४८ हजार करोड भारु छुट्ट्याइएको छ ।

नयाँ बजेटमार्फत आयकरमा सरकारले कुनै छुट नदिएको भनी व्यवसायी र जागिरेहरूले निराशा व्यक्त गरेका छन् ।

86

प्रतिक्रिया

खबर सबै

कपिलवस्तुमा दश मध्ये ८ स्थानीय तहले ल्याए बजेट, कसको कति ?

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU