पूर्व मन्त्री बराल बने माओवादी केन्द्रको प्रदेश अध्यक्ष

रुपन्देही ।
दाङको भालुवाङमा मंसिर २५ र २६ मा सम्पन्न नेकपा माओवादीको पहिलो प्रदेश अधिवेशनले २१७ सदस्यीय कमिटी चयन गरेको हप्तापछि बिहीबार लुम्बिनी प्रदेश अध्यक्षमा सुदर्शन बराललाई चयन गरेको छ । बराललाई अध्यक्षमा सर्वसम्मत चुनिए पनि अन्य पदाधिकारीमा आकांक्षी धेरै भएपछि टुङ्ग्याउन नेतृत्वलाई हम्मेहम्मे परेको छ । आकांक्षी बढ्दै गएको र नेताले आफ्ना पक्षमा तीव्र लबिङ गरेपछि पदाधिकारी चयनमा ढिलाई भएको माओवादी केन्द्रका एक प्रदेशस्तरीय नेताले रातोपाटीलाई बताए ।

अन्य पदाधिकारीको टुंगो नलागेकाले अध्यक्षमा प्रदेश समिति र केन्द्रीय नेतृत्वबीच बरालको नाममा सहमति भए पनि लिखित निर्णय अझै गर्न बाँकी रहेको जनाइएको छ । बरालले सबै पदाधिकारी छिटै टुङ्ग्याएर सबैको नाम सार्वजनिक गर्ने रातोपाटीलाई बताए । गुल्मी क्षेत्र नम्बर २ (क) बाट प्रत्यक्षतर्फ प्रदेशसभा सदस्यमा निर्वाचित बराल यस अघिको सरकारमा सामाजिक विकास मन्त्रीसमेत थिए ।

प्रदेश अध्यक्षमा रोल्पाका दिपेन्द्र पुन र दाङका होमराज शर्माले पनि दाबी गर्दै आएका थिए । पछि उनीहरुले दाबी छाडेपछि बराल अध्यक्ष बनेका हुन् । माओवादी केन्द्रको प्रदेश समितिमा तीन उपाध्यक्ष, एक सचिव, तीन सहसचिव र एक कोषाध्यक्ष रहने व्यवस्था गरेको छ ।

135

प्रतिक्रिया

खबर सबै

लुम्बिनीका मुख्यमन्त्री आचार्यले आज विश्वासको मत लिँदै

लुम्बिनी प्रदेश सबै

लुम्बिनीका मुख्यमन्त्री आचार्यले आज विश्वासको मत लिँदै

साझा अपडेट

MENU