२ लाख रुपैयाँ घूससहित काठमाडौं महानगरका वडा सदस्य पक्राउ

२२ भदौ, काठमाडौं । अख्तियार दुरुपयोग अनुसन्धान आयोगले काठमाडौं महानगरपालिका वडा नम्बर–१४ का वडा सदस्यलाई कलंकीको खसी बजारस्थित एक होटलबाट घूस लिँदालिँदै पक्राउ गरेको छ ।

सोमबार दिउँसो आयोगबाट खटिएका कर्मचारीले सेवाग्राहीसँग २ लाख रुपैयाँ घूस लिँदै गर्दा वडा सदस्य बसन्त महर्जनलाई पक्राउ गरेको हो ।

जग्गाको मोहियानी हक नामसारी र नाता प्रमाणित गरी मोही प्रमाण-पत्र र मालपोत तथा भूमि व्यवस्था कार्यालय काठमाडौंलाई सिफारिस दिनका लागि सेवाग्राहीसँग महर्जनले घूस माग गरेको अख्तियारले जनाएकाे छ ।

आयोगका अनुसार वडाध्यक्षलाई थप अनुसान्धानको लागि नक्सालस्थित आयोगको कार्यालयमा ल्याइँदै छ ।