कपिलवस्तुमा एक वर्षमा ७ हजार ६ सय बढी महिला बने जग्गाको मालिक

कपिलवस्तु ।

कपिलवस्तुमा महिलाको नाममा भु– स्वामित्व बढदै गएको छ । केही बर्ष अघि सम्म नगन्य मात्रामा महिलाको नामा जग्गा पास हुनेक्रम अहिले उत्साहजनकरुपमा बृद्धि भएको देखिन्छ । सरकारले महिलाको नाममा जग्गा रजिस्ष्ट्रेशन पास गराउनेलाई राजस्वमा बिशेष छुटको ब्यवस्था गरे पछि जिल्लामा महिलाको नाममा उल्लेखनीयरुपमा भुस्वामित्व बढेको हो ।

सरकारले महिलाको नाममा जग्गा किन्दा रजिस्ट्रेशनमा सहुलियत दिए पछि महिलाको जग्गामा स्वामित्व बढदै गएको हो । जमिनमा महिलाका स्वामित्व बढाउन छुट पाईने भए पछि महिलाहरुको नाममा जग्ग्गा पास गर्नेक्रम निरन्तर बढदै गएको हो । जग्गा किन्दा लाग्ने दर्ता शुल्कमा सरकारले २५ प्रतिशत छुटको सहुलितय दिएको छ । यसैको फाईदा उठाउदै घरपरिवारले महिलाको नाममा धमाधम जग्गा पास गराईरहेका छन् । बिगत ढेड दशक देखि सरकारले महिलाको नाममा जग्गा किन्दा लाग्ने रजिष्ट्रेशन शुल्कमा छुटको सहुलित दिए पछि उनीहरुको नाममा जग्गा पास गर्नेको संख्या हवात्तै बढेको हो । छुट दिएपछि महिलाहरुको नाममा जग्गाको स्वामित्व बढदै गएको मालपोतका कर्मचारीहरु बताउछन् ।

मोलपोत कार्यालय तौलिहवा अनुसार गत आर्थिक बर्ष २०७७/०७८ मा ५ हजार ४३५ जना महिलाको नाममा जग्गा पास भएको छ । जसबाट उनीहरुलाई १ करोड ८५ लाख ९८ हजार ९६० रुपैया छुट दिइएको छ । यस्तै मालपोत कार्यालय चन्द्रौटामा गत आर्थिक बर्ष २ हजार २५० जना महिलाको नाममा जग्गा पास भएको र जसबाट ६८ लाख ३८ हजार २५० रुपैया छुट दिइएको कार्यालय प्रमुख टीका पौडेले बताए । तौलिहवा र चन्द्रौटा गरी गत बर्ष कुल कपिलवस्तुमा ७ हजार ६८५ महिला जग्गाको मालिक बनेका ह्ुन ।

सरकारले गरेको छुटको प्रावधानलाई जिल्लाका महिलाअधिकारकर्मीले सराहनीय र महिलाका लागि खुशीको कुरा भएको बताएका छन् ।

101