सरकारी फौजसँगको भीषण भिडन्तपछि कुन्दुज प्रान्त तालिवानको कब्जामा

काबुल, एजेन्सी ।

सरकारी फौजसँगको भीषण भिडन्तपछि तालिवान लडाकु समूहले अफगानिस्तानको सबैभन्दा ठूलो शहरमध्ये एक उत्तरी अफगान शहर कुन्दुज आफ्नो नियन्त्रणमा लिएको अफगान सञ्चारमाध्यमले आइतबार पुष्टि गरेको छ । स्थानीय एक जना अधिकारीले आफ्नो नाम नखुलाउने शर्तमा शहरको विमानस्थलबाहेक सम्पूर्ण स्थानमा तालिवानले कब्जा गरिसकेको बीबीसीलाई जानकारी दिएका छन् । कुन्दुज शहरको मध्यभागमा तालिवान समूहको झण्डा फहराइरहेको देखिन्छ । त्यहाँ थुप्रै पसल र भवनहरूमा आगजनी गरिएका छन् ।

शुक्रबारयता अफगानिस्तानका चारवटा क्षेत्रीय राजधानी तालिवानको नियन्त्रणमा गइसकेका छन् । लडाकुहरूले अर्को उत्तरी शहर अर्को उत्तरी शहर सार–ए–पुलमाथि आक्रमण शुरू गरेका छन् । तिनीहरूले केही घण्टाको संघर्षपछि नै सजिलैसँग कुन्दुज कब्जा गरेका थिए ।

तर, अफगान सरकारी अधिकारीहरूले भने तालिवानको नियन्त्रणमा पुगिसकेका तथा भिडन्त जारी रहेका शहरहरूमा अझै पनि आफ्ना फौज तैनाथ रहेको दाबी गरिरहेका छन् । अमेरिकी र अन्य अन्तर्राष्ट्रिय फौज अफगानिस्तानबाट फिर्ता गएपछि मुलुकभरि नै हिंसा चर्किन थालेको हो ।

अमेरिकी नेतृतवमा रहेको गठबन्धन फौजले सन् २००१ मा अफगानिस्तानमा आक्रमण गरेर तत्कालीन तालिवान सरकार अपदस्थ गरेको थियो ।

केही सातायता तालिवान समूहको सक्रियता निकै बढ्न थालेको हो । यसअघि, नै तिनीहरूले अफगानिस्तानका ग्रामीण क्षेत्रका थुप्रै भूभाग कब्जा गरिसकेका छन् । पश्चिमको हेरात तथा दक्षिणका कान्दहार र लास्कारगाह शहरमा पनि भीषण संघर्ष जारी रहेका छन् ।
अफगानिस्तानको वर्तमान हिंसात्मक स्थिति र मानवीय समस्यालाई लिएर संयुक्त राष्ट्र संघलगायत अन्य अन्तर्राष्ट्रिय निकायहरूले चिन्ता प्रकट गरिरहेका छन् ।

131

प्रतिक्रिया

खबर सबै

नेपालको बाढी : विश्व समुदायले अब जिम्मेवारी लिनुपर्छ

लुम्बिनी प्रदेश सबै

जसपाको कारबाहीले लुम्बिनी सरकार संकटमा, मुख्यमन्त्रीलाई फेरि विश्वासको मतको दबाब

साझा अपडेट

MENU