कपिलवस्तुमा बुधबार देखि कोरोना विरुद्धको जोन्सन खोप अभियान चल्दै

राजेन्द्र खनाल, कपिलवस्तु ।
कपिलवस्तुमा साउन १३ र १४ गते कोरोना विरुद्ध नयाँ चरणको खोप कार्यक्रम सुरु हुने भएको छ । अमेरिकन कम्पनी जोनसन एण्ड जोनसन खोप लगाउने गरी तयारी भईरहेको स्वास्थ्य कार्यालय तौलिहवाले जनाएको छ ।
जिल्ला कोभिड १९ खोप समन्वय समितिको आइतबार बसेको बैठकले साउन १३ र १४ गते २ दिन उक्त खोप लगाउने निर्णय गरेको छ । जिल्ला कोभिड १९ खोप समन्वय समितिको निर्णयानुसार ५० देखि ५५ वर्ष उमेर समूहका व्यक्तिहरु, क र ख वर्गको अपांग परिचयपत्र भएका व्यक्तिहरु, विदेश जानु पर्ने व्यक्तिहरु र यस अघि प्राथमिकतामा परेर खोप नपाएका व्यक्तिहरुको लागि प्रत्येक वडाका स्वास्थ्य संस्थाहरुबाट खोप सेवा प्रदान गरिने जनाइएको छ । कपिलवस्तुका १० वटै स्थानीय तहका ९६ वटा खोप केन्द्रमार्फत खोप कार्यक्रम संचालन हुने छ ।
यस्तै जिल्लाको तीनवटा पालिकाहरु यशोधरा, शुद्धोधन र मायादेवी गाउँपालिकामा १० गते देखि १४ गते सम्म नियमित खोप कार्यक्रम संचालन भईरहेका कारण जोन्सन एण्ड जोन्सनको खोप साउन १५ र १६ गते संचालन हुने भएको छ ।
यस्तै कपिलवस्तुमा आइतबार र सोमबार देखि नै खोप कार्यक्रम संचालन गरिएको स्वास्थ्य कार्यालय कपिवस्तुका कोरोना फोकल पर्सन उमेश घिमिरेले जानकारी दिनुभयो । जिल्लाका लागि कुल ३२ हजार ५ सय डोज खोप उपलब्ध भएको उहाँले बताउनुभयो । त्यस मध्ये बैदेशिक रोजगारीमा जाने क्रममा रहेका र खोपको प्राथामिकतमा परेका ९४० जनालाई दुई दिनमा खोप लगाइएको घिमिरेले जानकारी दिनुभयो । बाँकी बचेको खोप जिल्लाका ९६ वटा खोप केन्द्रबाट बुधबार र बिहिबार लगाइने तयारी गरिएको छ ।

105

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU