खानेतेलको मूल्य एक वर्षमा १२० रुपियाँ महँगियो

सनफ्लावर धारा हेल्थ प्रतिलिटर १९० बाट २७० र तोरीको तेल २५० बाट ३२० रुपियाँ पुगेको छ । घिउ–तेल उत्पादक उद्योगीहरु तेलको मूल्य  नेपालभन्दा विश्व बजारमा अझै बढी दरले  बढेको  दाबी गर्छन् । वनस्पति  घिउ–तेल उत्पादन सङ्घका अध्यक्ष सन्दीप कुमार अग्रवालले  तेलको मूल्य बढ्नुको  मुख्य  कारण तेल उत्पादनमा प्रयोग गरिने कच्चा  पदार्थको उच्च वृद्धि नै भएको बताए | उनले अन्य कारणले पनि मूल्य बढेको र त्यसमा प्याकिङमा प्रयोग हुने  सामान, खानेतेलमा बढेको भन्सार महसुल, मूल्य अभिवृद्धि कर र  पेट्रोलियम पदार्थको मूल्य वृद्धिलगायत रहेको बताए ।