बाइडेनले हटाए टिकटकमाथिको प्रतिबन्ध

एजेन्सी

अमेरिकी राष्ट्रपति जो बाइडेनले टिकटकमाथि अमेरिकामा लगाइएको प्रतिबन्ध हटाएका छन् । उनले एक विशेष अध्यादेश ल्याएर यो प्रतिबन्ध हटाएका हुन् ।

यसअघि पूर्वराष्ट्रपति डोनाल्ड ट्रम्पले टिकटकमाथि प्रतिबन्ध लगाएका थिए ।

ट्रम्प प्रशासनले टिकटकसँगै अर्को चिनियाँ कम्पनीको एप वीच्याटमाथि पनि प्रतिबन्ध लगाएको थियो । बाइडेनले यो प्रतिबन्ध पनि हटाएका छन् ।

अमेरिकी राष्ट्रपति कार्यालयले टिकटक र वीच्याटमाथिको प्रतिबन्ध हटेको जानकारी दिएको छ ।