ओली सरकारलाई विदाई गरी देशलाई अग्रगामी निकास दिउँ : डा. बावुराम भट्टराई

काठमाडौं 

पूर्वप्रधानमन्त्री डा. बावुराम भट्टराईले अब प्रधानमन्त्री केपी ओलीको नेतृत्वमा रहेको सरकारलाई विदाई गर्न र देशलाई अग्रगामी निकास दिन अघि बढ्नु पर्ने बताएका छन् ।

आफ्नो सामाजिक सञ्जाल ट्वीटमार्फत उनले जनता सामाजबादी पार्टी जसपालाई देशको वैकल्पिक शक्तिको रुपमा विकास गर्न  आग्रह गर्दै यस्तो बताएका हुन् ।

नेता भट्टराईले भनेका छन्, जसपाको पदाधिकारी बैठकले पार्टी एकता कायम राख्दै ओली सरकारको बहिर्गमन सुनिश्चित गर्ने कार्यनीति तय गरेको बताएका छन् ।

सबैले आ–आफ्नो विवेक प्रयोग गरेर प्रतिगमनको केन्द्र बनेको ओली सरकारलाई विदा गर्नुपर्ने बताएका छन् । पछिल्लो राजनीतिक घटनाक्रम तिखो बन्दै गर्दा प्रधानमन्त्री ओली सरकार ढल्ने निश्चित भएको छ ।

यता गण्डकी प्रदेशमा अविस्वासको प्रस्ताव फेस गर्नुको साटो मूख्यमन्त्री पृथ्वी सुब्बा गुरुङले अघिल्लो दिन नै राजीनामा दिएका छन् ।

प्रधानमन्त्री ओलीले एमालेकै अर्का नेता माधवकुमार नेपालको सहयोग लिन नसक्नु र नेपाली कांग्रेसले पनि विस्वास दिन नसकेपछि ओली सरकार अव ढल्ने निश्चित भएको हो । पुस ५ गते प्रतिनिधि सभा विघटन गरेपछि उनले राजनीतिक विचलन ल्याएको आरोप लाग्दै आएको छ ।