कोरोना महामारीसँग जुध्न सरकारले स्वयंसेवक परिचालन गर्नुपर्छ : विप्लव

नेपाल कम्युनिस्ट पार्टीका महासचिव नेत्रविक्रम चन्द विप्लवले कोरोना महामारीसँग जुध्न सामाजिक परिचालन अभियानका रूपमा सरकारले स्वयंसेवकहरू परिचालन गर्नुपर्ने बताएका छन् । सामाजिक अभियान सञ्चालन गर्ने अवस्थामा सहयोग गर्न तयार रहेको पनि उनले बताएका छन् ।

विप्लवले कोरोना महामारी नियन्त्रणमा सहयोग सबैमा अपिलसमेत गरेका छन् । उनले बिहीबार प्रेस विज्ञप्ति जारी गर्दै भनेका छन्, ‘पार्टीका सम्पूर्ण समितिहरू, विभिन्न स्तरका नेता तथा कार्यकर्ताहरू, बुद्धिजीवी, चिकित्सक, स्वास्थ्यकर्मी र जनसमुदायमा समेत सरकारको मात्र भर नपरी कोरोना महामारीसँग जुध्न होसियारीपूर्वक सामाजिकस्तरमा स्वयंसेवकका रूपमा परिचालित हुन र महामारी नियन्त्रणमा सहयोग गर्नुहुन केन्द्रीय समिति अपिल गर्दछ ।’

कोरोना महामारीविरुद्ध जुध्न सरकारले सञ्चालन गरेको अभियान पर्याप्त नभएको पनि उनको ठहर छ । उनले विज्ञप्तिमा भनेका छन्, ‘समस्या समाधान गर्न सरकारले मुख्यतः भारतलगायत विदेशबाट नेपाल प्रवेश गर्ने आप्रवासीहरू नियन्त्रण गर्ने, आएकाहरूलाई एकान्तवासमा राख्ने व्यवस्था गर्ने र बिरामी परेका सबैको उपचार गर्ने विषयमा ध्यान दिनु आवश्यक हुन्छ ।’

87

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU