युनाईटेड स्टुडेन्ट एकाडेमीको १० औँ साधारण सभा तथा अधिवेशन सम्पन्न

कपिलवस्तु

कपिलवस्तु जिल्लाको वाणगंगा नगरपालिका भित्र रहेका निजि क्षेत्रका विद्यालयहरु मध्ये गुणस्तरीय शिक्षा दिदै आएको युनाईटेड स्टुडेन्ट एकाडेमी वाणगंगा ८ कपिलवस्तुको १० औँ साधारण सभा तथा छैठौँ अधिवेशन सम्पन्न गरेको छ ।

हिजो एक कार्यक्रमका विचमा कार्यक्रम सम्पन्न भएको हो । अधिवेशनले सिद्ध प्रसाद अधिकारीको अध्यक्षतामा ५ सदस्य रहने गरी सञ्चालक समिति गठन गरेको छ ।

जसमा छबिलाल पन्थ उपाध्यक्ष र राजु अधिकारी, ललितादेबी घिमिरे, सोभाखर भुसार सदस्य रहनु भएको छ । अधिवेशनले जालन्धर बन्जाडेको संयोजकत्व रहने गरी ३ सदस्यीय लेखा समिति गठन गरेको छ । जसको सदस्यमा नेत्र पाण्डे र शिव प्रसार बन्जाडे रहनु भएको छ ।

कार्यक्रममा विद्यालयका प्राचार्य शोभाखर भुसालले प्रगती प्रतिवेदन , विद्यालयका प्रबन्ध निर्देशक राजु अधिकारीले आगमी कार्य योजना प्रस्तुत गर्नु भएको थियो । विद्यालयको आर्यव्याय विवरण लेखा संयोजक जालन्धर बन्जाडेले प्रस्तुत गर्नुभएको थियो ।
युनाईटेड स्टुडेन्ट एकाडेमी जिल्ला भित्र तथा नगरभित्र उत्कृष्ट विद्यालयको रुपमा परिचित रहेको छ ।