कपिलवस्तुमा मतदाता नामावली अद्यावधिकको काम धमाधम हुँदै

राजेन्द्र खनाल, कपिलवस्तु ।
जिल्ला निर्वाचन कार्यालय कपिलवस्तुले अहिले जिल्लाका पालिकाहरुबाट धमाधम मतदाता नामावली अद्यावधिकको काम गरिरहेको छ ।
सरकारले आगामी वैशाख महिनामा दुई चरणमा आम निर्वाचन घोषणा गरेसँगैे निर्वाचन कार्यालयले मतदाता नामावलीमा रहेको नाम, विवरणमा रहेको त्रुटि सच्याउने, दोहोरो नाम हटाउन निवेदन दिन तथा मृत्यु भएका र नागरिकता त्याग गरेका मतदाताको नाम हटाउन लागेको जिल्ला निर्वाचन कार्यालय कपिलवस्तुका प्रमूख ज्ञानुराम पन्थीले बताउनुभयो ।

आगामी माघ २१ गते सम्म जिल्लाका १० वटै स्थानीय तहमा मतदाता नामावली अद्यावधिक गर्ने कार्य सञ्चालन भईरहेको उहाँले जानकारी दिनुभयो । झुठो विवरण दिई मतदाता नामावलीमा नाम समावेश गरेको भए सोको विरोधमा उजुरी दिन सकिने व्यवस्था समेत गरिएको बताए । मघ १६ देखि १८ गते सम्म निवेदन लिने काम भएको र त्यस यता छनविन र अद्यावधिकको काम भईरहेको पनि उहाँले जानकारी दिनुभयो ।

तीन वटा निर्वाचन क्षेत्र रहेको कपिलवस्तुमा २३३ मतदान स्थल रहेका छन भने सा मतदान स्थलमा ४३५ वटा मतदान केन्द्र रहेका छन् । मतदाता अद्यावधिक गर्नुपुर्व कपिलवस्तुमा कुल मतदाताको संख्या ३ लाख ३३ हजार ७ सय ६३ रहेको छ । अद्यावधिक पछि यो संख्यामा थपघट भएर आउने र निर्वाचन आयोगले यसलाई सदर गरी जिल्लामा पठाउने पन्थीले बताउनुभयो ।

120

प्रतिक्रिया

खबर सबै

प्रधानमन्त्री दैवी प्रकोप उद्धार कोषमा नेपाली कांग्रेसको एक करोड रुपैयाँ सहयोग प्रदान

लुम्बिनी प्रदेश सबै

जसपाको कारबाहीले लुम्बिनी सरकार संकटमा, मुख्यमन्त्रीलाई फेरि विश्वासको मतको दबाब

साझा अपडेट

MENU