प्रधानमन्त्रीसँग अर्कै संविधान भए मात्र हाे, नत्र संसद विघटनकाे अधिकार कसरी भयाे ? : अधिवक्ता थापा

 

काठमाडौँ

प्रधानमन्त्री केपी शर्मा र उहाँको बचाउ गर्नेहरुसँग अर्कै संविधान पो छ कि भन्दै वरिष्ठ अधिवक्ता शम्भु थापाले कटाक्ष गर्नुभएको छ ।

प्रतिनिधिसभा विघटन विरुद्धको मुद्दामा रिट निवेदकहरुका तर्फबाट सोमबार बहसमा उत्रिनुभएका अधिवक्ता थापाले प्रतिनिधि सभा विघटनको अधिकार वर्तमान नेपालको संविधानले प्रधानमन्त्री तथा राष्ट्रपतिलाई नदिएको दाबी गर्नुभयो ।

सोमबार संवैधानिक इजलासमा रिट निवेदकहरु देवप्रसाद गुरुङ, कृष्णभक्त पोखरेल, रामकुमारी झाँक्री र शशी श्रेष्ठको तर्फबाट बहस गर्ने क्रममा अधिवक्ता थापाले संविधानमा प्रस्ट व्यवस्था रहेको भन्दै संसद विघटनलाई मान्यता दिन नसकिने बताउनुभयो ।

उहाँले तत्कालीन संविधानसभाका अध्यक्ष सुवास नेम्वाङ र अहिलेका महान्यायाधिवक्ता अग्नि खरेलले विगतमा संसद विघटनको अधिकार प्रधानमन्त्रीलाई नभएको अभिव्यक्ति दिएकोतर्फ इंगित गर्दै अहिले प्रधानमन्त्रीको कदममा मौन साथ दिइरहेको आशय व्यक्त गर्नुभयो । प्रधानमन्त्री, नेम्वाङ र खरेलप्रति कटाक्ष गर्दै थापाले भन्नुभयो, ‘प्रधानमन्त्री र उहाँहरूसँग अर्को संविधान छ भनेदेखि अर्कै कुरा हो । नभए त जुन संविधान प्रचलित छ, त्यो त जस्तो लेखियो त्यस्तै हो । यत्रो मित्रहरुले बहस गरिसक्नुभयो, मेरो कुरा पनि नयाँ छैन ।’

उहाँले प्रधानमन्त्रीको कदम संविधानसम्मत नरहेको प्रस्ट पार्दै प्रतिनिधि सभा विघटनकाे अधिकार प्रधानमन्त्रीलाइ नभएकाे र उक्त कदम असंवैधानिक रहेको तर्क गर्नुभयो ।

90

प्रतिक्रिया

खबर सबै

टप एन्ड सिरिज अन्तर्गत आज नेपाल ए ले होबर्ट हुरिक्यान्स एकेडेमीसँग खेल्दै

लुम्बिनी प्रदेश सबै

लुम्बिनीमा सवारी दुर्घटनाको मुख्य कारण तीव्र गति, साउनमा ३५ जनाको मृत्यु

साझा अपडेट

MENU