राष्टिय युवा संघ कपिलवस्तुद्धारा संसद विघटन प्रति विरोध प्रर्दशन

पुष ५ कपिलवस्तु ।

कपिलवस्तु जिल्लामा पनि संसद विघटनको विषयलाई लिएर सत्तारुढ दल निकट भातृ संगठनहरु बिरोधमा उत्रिएका छन् । नेकपा निकट राष्टिय युवा संघ कपिलवस्तुले आज जिल्लाका मुख्य मुख्य बजारक्षेत्रमा बिरोध जनाएको छ । कपिलवस्तुको वाणगंगा नगरपालिका स्थित बोडगाउँ, शिवराज नगरपालिकाको चन्द्रौटा, विजयनगर गाउँपालिकाको हल्लानगर, कृष्णनगर नगरपालिका स्थित कृष्णनगर र कपिलवस्तु नगरपालिकाको तौलिहवामा राष्टिय युवा संघका कार्यक्रताहरुले प्रधानमन्त्री केपी ओलीको पछिल्लो कदमको विरोध जनाएका हुन ।

तस्बिर : राष्टिय युवा संघको विरोध कार्यक्रम कपिलवस्तुको बोडगाउँमा

लोकतन्त्र र गणतन्त्र माथि नै प्रहार हुने गरी नेपालको संविधानको मुल मर्म विपरित संसद विघठन गर्नु गलत भएको राष्टिय युवा संघका जिल्ला अध्यक्ष विजय कुँवरले बताउनुभयो । उहाँले आफ्नै पार्टीको सरकार भए पनि गलत कदम प्रति विरोध गर्न बाध्य भएको बताउनुभएको छ । युवा संघका कार्यक्रताहरुले अहिले साँझ पनि विभिन्न स्थानमा सरकारको पछिल्लो कदमको बिरोध जनाइरहेका छन् ।