जुवाको खालमा प्रहरीको छापा, बनगाईबाट १२ जुवाडे पक्राऊ

कात्तिक १२ कपिलवस्तु

कपिलवस्तुको एक जुवाखालमा प्रहरीको छापा मार्ने क्रममा जुवाडे पक्राउ परेका छन् । वाणगंगा नगरपालिका वडा नम्बर ७ बनगाइमा जुवा खालमा प्रहरीले छापा मारेको हो ।

छापा मार्दा वनगाइको एक काष्ठ उद्योगमा जुवा खेलीरहेको अवस्थामा जुवाखालबाट १२ जनालाई नियन्त्रणमा लिएको प्रहरीले जनाएको छ । उनीहरुको साथबाट प्रहरीले १ लाख ७५ हजार ८ सय ५० रुपैयाँ नगद बरामद गरेको जनाइएको छ ।

विशेष गरी चाडबाडका बेला खुलेआम जुवाका खाल संचालन भईरहदा ईलाका प्रहरी कार्यालय पिपराले यस पटक रातिको समयमा गस्ति र सुरक्षा संयन्त्र व्यापक परिचालन पनि गरेको छ । सोही अनुसार प्रहरी गस्ति समेत बढाइएको प्रहरीले जनाएको छ ।