इटालीमा फेरि  बढ्यो संक्रमण,संक्रमित एकैदिन १९ हजारबढी 

एजेन्सी, कार्तिक ८

युराेपकाे काेराेना सेन्टर मानिएकाे इटालीमा फेरि संक्रमणले गति लिएकाे छ । त्यहाँ पछिल्लो २४ घण्टामा हालसम्मकै सर्वाधिक काेराेना संक्रमित फेला परेका छन् ।

इटालीको स्वास्थ्य मन्त्रालयका अनुसार शुक्रबार त्यहाँ १ लाख ८२ हजार स्वाब परीक्षण गर्दा १९ हजार १४३ जनामा कोभिड १९ संक्रमण पुष्टि भएको हो । वर्ल्डाेमिटर्सले पनि याे तथ्यांक अपडेट गरेकाे छ ।

एकैदिन १९ हजारबढी संक्रमित थपिएसँगै इटालीमा कोरोना संक्रमितको कुल संख्या ४ लाख ८४ हजारभन्दा बढी पुगेकाे छ, जसमध्ये सक्रिय संक्रमित संख्या  १ लाख ८६ हजारभन्दा बढी रहेको छ ।

इटलीमा हालसम्म ३७ हजार ५९ जनाको काेराेना संक्रमणकै कारण मृत्यु भएको वर्ल्डाेमिटर्सले जनाएको छ । त्यहाँ शुक्रबार मात्रै थप ९१ जनाकाे मृत्यु भएको छ । तर त्यहाँ हालसम्म २ लाख ६१ हजार भन्दा बढी मानिस भने संक्रमणमुक्त भइसकेका छन् ।

कोरोना संक्रमण युरोपमा फैलिँदा भाइरसको इपिसेन्टर बनेको इटालीमा फेरि संक्रमणको गति बढेको हो । संक्रमण बढेसँगै इटाली सरकारले गत हप्ता रात्रिकालिन कर्फयु सहितको नयाँ प्रतिबन्ध लागू गरेको थियो ।

युराेपका अन्य देशहरू बेलायत, फ्रान्स, स्पेन, रूस, बेल्झियम लगायतमा पनि संक्रमण दर तीव्र रूपमा बढिरहेकाे छ ।

168

प्रतिक्रिया

खबर सबै

दुना–टपरी व्यवसायले बदलिँदै महिलाको जीवन

लुम्बिनी प्रदेश सबै

दैवीप्रकोप उद्धार कोषमा लुम्बिनी सरकारको तीन करोड सहयोग

साझा अपडेट

MENU