नलिने भए लुम्बिनी प्रदेशका जनप्रतिनिधिहरूले दशैं खर्च

कार्तिक ३, बुटवल

संघ र अन्य प्रदेशका जनप्रतिनिधिले चाडपर्व खर्च लिएको भन्दै आलोचना भइरहेको समयमा लुम्बिनी प्रदेशका जनप्रतिनिधिले भने चाडपर्व खर्च नलिने भएका छन्। लुम्बिनी प्रदेशका मुख्यमन्त्री शंकर पोखरेलका प्रेस सल्लाहकार शेरबहादुर केसीले आइतवार प्रेस विज्ञप्ति जारी गर्दै अहिलेसम्म जनप्रतिनिधिलाई चडपर्व खर्चको प्रबन्ध नगरेको भन्दै नलिएको समेत जनाउनुभएको छ।

उाँहले प्रदेश सरकारका मुख्यमन्त्री, मन्त्री, प्रदेशसभाका सभामुख, प्रदेशसभा सदस्यका साथै स्थानीय तहका जनप्रतिनिधिले अहिलेसम्म कुनै प्रकारको चाडपर्व खर्च (दशैं खर्च) नलिएको स्पष्ट पार्नुभएको छ । देशमा जनअपेक्षा अनुसार उत्तरदायी शासन व्यवस्था चाहिएको भन्दै लुम्बिनी सरकारले कोरोना संकटको बेला दशैं खर्च कसैले पनि नलिने निर्णय भएको जनाएको छ। लुम्बिनी सरकारले अब मागमा आधारमा भन्दा योजनाका आधारमा बजेट विनियोजन गरिने पनि उल्लेख गरेको छ।

116