बुटवलमा कोरोना पोजेटिभ भए ३० र नेगेटिभ भए ४५ मिनेटमै जाँच गर्ने प्रविधि

३० श्रावण २०७७ शुक्रबार

बुटवल, कोरोना जाँचमा ढिलाई भएर मुलुकको नेतृत्वको आलोचना भइरहेको बेला प्रदेश ५ बासीको लागि भने खुसीको खबर आएको छ । प्रदेश ५ को बुटवलस्थित लुम्बिनी प्रादेशिक अस्पताल मा ३० मिनेट भित्रै कोरोना जाँच गर्न सकिने प्रविधि भित्रिएपछि यो सबैको लागि खुसीको खबर बनेको छ । अर्थात् प्रादेशिक अस्पतालमा अब कोरोनाको कोरोनाको द्रुत परीक्षण हुने छ ।

यो सेवाको प्रदेश ५ का सामाजिक विकास मन्त्री सुदर्शन बरालले शुक्रबार उद्घाटन गर्नु भएको छ । उहाँले सो मेसिनबाट आफ्नै स्वाब परीक्षण गरी सेवा सुरु गर्नु भयो । कोभिड १९ को संकास्पद बिरामीको रिर्पोट पोजिटिभ भए अब ३० मिनेट र नेगेटिभ भए ४५ मिनेटमा नै उपलब्ध हुने अस्पतालका मेडिकल सुपरिटेण्डेन्ट डा.राजेन्द्र खनालले बताउनु भयो ।

उहाँले अस्पतालको आकस्मिक कक्षमा आउने गम्भिर प्रकारका विरामीमा कोरोना संक्रमण देखिन थालेपछि यस्तो सेवा सुरु गरिएको बताउनु भयो ।

अस्पतालका अस्पतालका अध्यक्ष सूर्य बहादुर भट्टराईले अस्पतालमा धेरै सेवाहरु वृद्धि गर्ने क्रममा यस प्रकारको प्रविधि थप भएको बताउनु भयो । उहाँले अब प्रदेशमा कोरोना परीक्षणको दायरा पनि बढ्नेमा विशवास गर्नु भएको छ ।

अस्पतालका बिआर टिभी क्लिनिङ ईन्चार्ज सत्यराज शाक्यले अन्य मेशिनको तुलनामा यसले छिटो रिर्पोट दिने हुदा प्रभावकारी बन्ने बताउनु भयो । क्षयरोगी र एचआईभी संकमितलाई पहिलो प्राथमिकता राखेर सेवा दिईने पनि उहाँको भनाई छ ।

हिजोको अस्पताल र अहिलेको प्रादेशिक अस्पतालमा धेरै कुरामा फरक आएको अध्यक्ष भट्टराईले बताउनु भयो । उहाँका अनुसार अहिले भौतिक संरचनादेखि सेवा बिस्तारमा उल्लेखनीय प्रगति भएको बताउनु भयो ।

129