अर्घाखाँचीमा पानीको मुल्य घट्यो

ई–साझाकुरा अर्घाखाँची, साउन २९ ।

अर्घाखाँचीको सन्धिखर्कमा रहेको साना शहरी खानेपानी तथा सरसफाई मुल संस्थाले खानेपानीको न्यूनतम शुल्क घटाउने भएको छ । हाल १७ सय ६१ घर धुरीले प्रयोग गर्दै आएको खानेपानीको न्यूनतम शुल्क घटाउने संस्थाले निर्णय गरेको हो ।

नौलापानी राटटारी पानी आपूर्ति गर्ने कार्य सञ्चालनमा ल्याएकाले भाद्र १ गतेदेखि लागु हुने गरी साबिकको न्यूनतम महशुल ३ सय २० रुपैयाँलाई घटाएर २ सय ५० रुपैयाँ कायम गर्ने निर्णय गरेको कार्यालय प्रमुख कृष्णप्रसाद आचार्यले जानकारी दिनुभयो ।

Post Views: 6