लक्ष्य नजिक नेपाल, बाघको संख्या दोब्बर हुदैँ

सन् २०२२ भित्र बाघको संख्या दोब्बर पुर्याउने प्रतिबद्धता नेपालले सन् २०१० मा जनाएको थियो । त्यतिबेला नेपालमा १ सय २१ बाघ थिए । सन् २०१८ मा गरिएको गणनाअनुसार नेपालमा २ सय ३५ बाघ पाइएका छन् ।

संख्या दोब्बर बनाउन नेपाललाई अझै १५ वटा बाघ थप्नुपर्ने राष्ट्रिय निकुञ्ज तथा वन्यजन्तु संरक्षण विभागका अधिकारीहरु बताउँछन् । १२१ को दोब्बर २ सय ४२ हुने भए पनि सरकारले २ सय ५० लाई दोब्बर मानेको छ । यसअनुसार नेपाल लक्ष्य नजिक पुगेको छ । यदि नेपालले लक्ष्य पूरा गरे बाघको संख्या दोब्बर पार्ने पहिलो देश बन्ने छ ।