कपिलवस्तुको बुद्धभूमिमा भैँसी चराउन गएका बालक पौडी खेल्दा डुबेर मृत्यु !

कपिलवस्तुको बुद्धभूमि नगरपालिका–४ मा खोलामा पौडी खेल्ने क्रममा डुबेर एक बालकको मृत्यु भएको छ।

मृत्यु हुनेमा स्थानीय कक्षा ७ मा अध्ययनरत तुसार खनाल रहेका छन्। आज गुडरुङ खोलामा साथीसँग पौडी खेल्ने क्रममा डुबेर उनको ज्यान गएको प्रहरीले जनाएको छ।

घटनापछि इलाका प्रहरी कार्यालय गोरुसिंगे र सशस्त्र प्रहरी चौरी बेसको संयुक्त टोलीले खोजी गरी शव बाहिर निकालेको थियो। निकालिएको शवलाई पोस्टमार्टमका लागि जिल्ला अस्पताल तौलिहवा पठाइएको प्रहरीले जानकारी दिएको छ।

जंगलमा भैँसी चराउन गएका खनाल स्थानीय खोलामा पौडी खेल्ने क्रममा डुबेर मृत्यु भएको जिल्ला प्रहरी कार्यालय कपिलवस्तुका डिएसपी रिपेन्द्र कुमार सिंहले जानकारी दिएका छन् ।

घटनाबारे थप अनुसन्धान भइरहेको प्रहरीले जनाएको छ।