रुपन्देही-३ का जसपाका उम्मेदवार एमाले प्रवेश

बुटवल । रुपन्देही क्षेत्र नं ३ मा जनता समाजवादी पार्टी (जसपा) को प्रतिनिधिसभा सदस्य उम्मेदवार बनेका श्रीनिवास यादव एमाले प्रवेश गरेका छन्।

जसपा नेपालका केन्द्रीय सदस्य समेत रहेका यादवलाई आज भैरहवामा रुपन्देही क्षेत्र नं. ३ का उम्मेदवार वासुदेव घिमिरे, क्षेत्र नं. ४ का उम्मेदवार प्रमोद कुमार यादव, एमाले केन्द्रीय सदस्य भुमिश्वर ढकाल, गुमादेवी आचार्य, जिल्ला अध्यक्ष यज्ञ गैरे लगायतले एमालेमा स्वागत गरे ।

यादवले पछिल्लो समय राष्ट्रियता कमजोर बनिरहेको अवस्थामा राष्ट्रियताको विषयमा पनि एमाले नै महत्त्वपूर्ण शक्ति भएको निष्कर्ष निकाल्दै एमाले प्रवेश गर्ने निर्णय गरेको बताए।