बालबालिका तनावमा रहेको कसरी थाहा पाउने ?

काठमाडौं । बालबालिकालाई पनि तनाव हुने गरेको राष्ट्रिय स्वास्थ्य शिक्षा, सूचना तथा संचार केन्द्रले जनाएको छ । सामान्तया बालबालिकालाई तनाव हुँदैन भन्ने बुझाइ अभिभाकमा हुने गरे पनि त्यो गलत रहेको केन्द्रले बताएको छ ।

केन्द्रका अनुसार बालबालिकाहरूले आफ्नो तनावलाई फरक–फरक तरिकाबाट व्यक्त गरिरहेका हुन्छन् । त्यसलाई पहिचान गरेर रोकथाम तथा उपचार गराउनुपर्नेमा केन्द्रको जोड छ ।

बालबालिकामा देखिने तनावका लक्षणहरू :

– बालबालिका आफ्नो आमा वा बुवासँग मात्र बस्न खोज्ने
– एक्लै बस्ने, टोलाउने र परिवारसँग कुराकानी नगर्ने
– आलस्यता हुने तथा पहिला रुचिका साथ गर्ने क्रियाकलापमा समेत इच्छा नदेखाउने
– छिटो रिसाउने, झर्को मान्ने, भावुक भइ रुने
– निन्द्रामा समस्या हुने र डरलाग्दो सपना देखेर बिउझिने
– खाना असाध्यै थोरै वा धेरै खाने
–पढाई वा अन्य कुनै कार्यमा ध्यान केन्द्रित गर्न नसक्ने
– बिना कारण अथवा सामान्य कुरामा पनि हराउने, आत्तिने तथा छटपटाउने
– टाउको दुख्ने, पेट दुख्ने, मुख सुख्खा भइरहने, हातखुट्टा झमझमाउने आदि ।