रवि र छविको मुद्दा आज पनि स्थगित

रास्वपाका सभापति रवि लामिछाने र पूर्व गोर्खा मिडियाका सञ्चालक छविलाल जोशीमाथिको सहकारी ठगी सम्बन्धी मुद्दा आज पनि अदालतले हेर्न नमिल्ने सूचीमा राख्दै स्थगित गरिएको छ।

न्यायाधीश तेजनारायण पौडेल र सागर विष्टको इजलासमा परेको यो मुद्दा कात्तिक १३ देखि लगातार सारिँदै आएको छ।

बुटवलस्थित सुप्रिम सहकारी संस्थाको रकम ठगी र संगठित अपराध आरोपमा थुनामा रहेका लामिछाने र जोशीको मुद्दा यसअघि दुईपटक लामिछाने पक्षका कानुनी व्यवसायीको निवेदनका कारण र पछिल्लो पटक सार्वजनिक बिदाका कारण सारिएको थियो।