कपिलवस्तुसहित देशका धेरै ठाउँमा अविरल वर्षा :सचेत रहन आग्रह

देशका धेरै ठाउँमा पानी परेको छ । मनसुनसँगै स्थानीय वायु पनि सक्रिय भएको कारण देशका सबैजसो ठाउँमा बदली भएर धेरै ठाउँमा पानी परेको जल तथा मौसम पूर्वानुमान महाशाखाले जनाएको छ । कपिलवस्तु सहित देशभरका धेरै जसाे ठाउमा परिरहेकाे अविरल वर्षााका कारण बाढी तथा डुबानको जाेखिम समेत बढनएकाे छ ।

सुर्खेतको गोठीकाँडा वर्षामापन केन्द्रमा गएराति ठूलो पानी परेको छ । त्यस क्षेत्र भएर बहने स–साना खोलामा आकस्मिक बहाब बढ्न सक्ने र कमजोर तथा भिरालो जमिनमा पहिरोको जोखिम रहेकोले आवश्यक सतर्कता अपनाउन समेत आग्रह गरिएको छ । काठमाण्डौ उपत्यका र आसपासका जिल्लामा पनि हल्कादेखि मध्यम वर्षा भएको छ ।

आज पनि देशका धेरै ठाउँमा मौसम बदली हुनेछ । तर लामो समयसम्म मुसल्धारे पानी पर्ने सम्भावना नरहेको मौसमविद्ले बताएका छन् । यस्तै मौसमविद् विनोद पोख्रेलले यो हप्ताभरी बदलीसहित वर्षाको सम्भावना रहेको बताउनुभएको छ । उहाँका अनुसार अर्को हप्ता पनि पानी पर्ने सम्भावना छ ।