लागुऔषध र १० लाख बढी नगदसहित तीन जना पक्राउ

रूपन्देही प्रहरीले लागुऔषध र १० लाख बढी नगद रकमसहित तीन जनालाई पक्राउ गरेको छ। जिल्ला प्रहरी कार्यालय रूपन्देहीका अनुसार रूपन्देहीका फरक फरक स्थान र मितिमा उनीहरूलाई लागुऔषध र नगदसहित पक्राउ गरिएको हो।

प्रहरीले रूपन्देहीको कोटहीमाई गाउँपालिका वडा नं। ५ घर भई हाल सिद्धार्थनगर नगरपालिका वडा नं।२ मेउडिहवा बस्ने २६ वर्षीय ईरफान अन्सारी, सिद्धार्थनगर नगरपालिका वडा नं। १ बाइपास बस्ने २६ वर्षीय प्रेमलाल यादव र रोहिणी गाउँपालिका वडा नं। ६ पकडिहवा बस्ने ३५ वर्षीय ईरसाद प्रवेजलाई पक्राउ गरेको हो।

गत आइतबार साँझ ८ बजेतिर आफ्नै घरबाट पक्राउ परेका ईरफानको साथबाट प्रहरीले १ ग्राम ७३० मिलिग्राम ब्राउन सुगर बरामद गरेको छ।

ीबहmष् दबलप
सोमबार बिहान पौने ११ बजेतिर सिद्धार्थनगर १ बन्दरगाहबाट पक्राउ परेका प्रेमलालको साथ बाट १ ग्राम ०३ मिलिग्राम ब्राउन सुगर बरामद गरेको छ।

ल्अभिि

त्यस्तै, मंगलबार दिउँसो साढे चार बजेतिर पक्राउ परेका इर्सादको साथबाट डाइजिपाम, ब्रुफेन, प्रोमेथाजिन हाइड्रोक्लोराइड गरी २९३ एम्पुल सुई, २६० क्याप्सुल स्पास्मो र १० लाख २० हजार नगद रकम समेत बरामद गरेको छ।

पक्राउ परेका तीनै जना लागुऔषधका कारोबारी रहेको हुनसक्ने प्रहरीले जनाएको छ।

उनीलाई अहिले जिल्ला प्रहरी कार्यालय रूपन्देहीले हिरासतमा लिएर थप अनुसन्धान अगाडि बढाएको जनाएको छ।