मन्त्री अधिकारीले आज बोडगाउँमा मालपोत तथा नापी कार्यालयको उद्‌घाटन गर्ने

बाणगङ्गा नगरपालिका वडा नम्बर ८, बोडगाउँमा मालपोत तथा नापी कार्यालय उद्‌घाटन हुने भएको छ । आज (आइतबार) बिहान १० बजे भूमि व्यवस्था, सहकारी तथा गरिबी निवारण मन्त्री बलराम अधिकारीले कार्यालय उद्‌घाटन गर्ने जनाइएको छ।

बाणगङ्गा नगरपालिकाको सबैभन्दा बढी जनसङ्ख्या भएको वडा नम्बर ८, बोडगाउँ, विकासका हिसाबले पछि परेको क्षेत्र भनेर चिनिँदै आएको थियो। तर, अब परिस्थितिमा परिवर्तन आउँदै छ! मालपोत तथा नापी कार्यालय स्थापनाको निर्णयसँगै यहाँका बासिन्दाले सरकारी सेवा पाउन टाढा धाउनुपर्ने बाध्यताबाट मुक्ति पाउने भएका छन्।

जग्गा अभिलेख राख्ने, दाखिला खारेज, नक्साङ्कन, नामसारी र भूमिसम्बन्धी कागजात प्रमाणीकरणजस्ता काम सहज हुने आशा गरिएको छ। स्थानीयहरूले यस निर्णयलाई उत्साहपूर्वक स्वागत गर्दै छिटो, छरितो र पारदर्शी सेवाको अपेक्षा गरेका छन्।