बाणगंगामा नापी कार्यालय स्थापनाको विषयले सदरमुकाममा विरोध

साझाकुरा, कपिलवस्तु | कपिलवस्तुको बाणगंगामा मालपोत तथा नापी कार्यालय स्थापना गर्ने खबरले उत्तरमा खुसी छाइरहेका बेला जिल्लाको दक्षिणमा बिरोधका आवाज सुनिन थालेका छन् । कपिलवस्तुको सदरमुकाम तौलिहवामा रहेको मालपोत तथा नापी कार्यालय बाणगङ्गा नगरपालिकामा स्थापना गर्ने मन्त्रिपरिषद् बैठकबाट भएको निर्णयको विरोध सुरु भएको हो ।

यस निर्णयको विरोधस्वरुप जनता समाजबादी पार्टी नेपाल कपिलवस्तुले प्रमुख जिल्ला अधिकारी मार्फत प्रधानमन्त्री तथा मन्त्रीपरिषद्को कार्यालयललाई ध्यानकर्षण पत्र पठाएको छ । उक्त पार्टीका अध्यक्ष शैलेन्द्र कुमार यादव, कपिलवस्तु नगरपालिकाका नगर प्रमुख सुदिप पौडेलसहितका नेताहरु जिल्ला प्रशासन कार्यालय तौलिहवामा पुगेर प्रमुख जिल्ला अधिकारी बिश्व प्रकाश अर्याललाई ज्ञापन पत्र बुझाए ।

टोलीले प्रधानमन्त्री तथा मन्त्रीपरिषदको कार्यालयसम्म पुग्ने गरी प्रजिअमार्फत् ज्ञापनपत्र बुझाएको हो । सो निर्णय अबिलम्ब नसच्चाइए कडा आन्दोलन गर्ने पार्टीले चेतावनी समेत दिएको छ ।

यता बाणगंगा लगाएतका उत्तरका पालिका र स्थानमा भने उक्त कार्याालय यहाँ स्थापना हुने खबरले नागरिकहरु उत्साहित छन् ।

यस्तो छ मन्त्रीपरिषद्बाट सार्वजनिक निर्णयको संक्षेप रुप