दुर्घटना पछि अबरुद्ध राजमार्ग अझै खुलेन

दाङ | दाङमा ट्रकको ठक्करबाट एक जनाको मृत्यु भएपछि अवरुद्ध भएको पूर्व-पश्चिम राजमार्ग अझै सुचारु भएको छैन।

पश्चिमबाठ पूर्वतर्फ जाँदै गरेकाे सु.प. प्र ००१६ ख २७७९ नम्बरको ट्रकले राप्ती गाउँपालिका-१ भालुबाङ्ग चाेकमा स्थानीय व्यवसायीलाई ठक्कर दिँदा ५० वर्षीय लाेकप्रसाद भट्टराईकाे मृत्यु भएको थियाे।

पीडित परिवार, आफन्त तथा स्थानीय बासिन्दाले घटनालगत्तै राजमार्ग अवरुद्ध गरेका हुन्। इलाका प्रहरी कार्यालय, भालुबाङ्गका प्रहरी निरिक्षक अमरबहादुर माझीका अनुसार अवरुद्ध सडक सुचारु गर्ने बारेमा प्रयास जारी रहेकाे छ।

राजमार्ग अवरुद्ध हुँदा यात्रुहरू अलपत्र परेका छन्। घटनामा संलग्न ट्रक चालकलाई कारबाही र उचित क्षतिपूर्तिको माग राख्दै राजमार्ग अवरुद्ध गरेका हुन्। ठक्कर दिने गाडी र चालकलाई प्रहरीले आफ्नो नियन्त्रणमा लिएको छ।