बाणगंगामा विद्युत सर्ट भएर आगलागी, लाखौंको क्षति

कपिलवस्तुको बाणगङ्गामा आगलागी हुँदा करिब १२ लाख बराबरको क्षति भएको छ । सोमवार बिहान करिब पौने १० बजेको समयमा विद्युत सर्ट भएर आगलागी भएको हो । बाणगङ्गा वडा न. ८ पुलचोकको खड्क कलौनिमा आगलागी भएको हो ।
आगलागीबाट एउटा बंगुर फर्म जलेर नष्ट भएको छ ।

त्यस्तै तिन वटा टहरा जलेर पूर्ण रुपमा नष्ट भएका छन् । स्थानीय दिल बहादुर थापाका ६ वटा माउ बंगुर र ३ वटा बच्चा बंगुर मरेको जनाईएको छ । बङ्गुर फर्ममा लागेको आगोका कारण साना ठूला गरि करिब ९ वटा बङ्गुर मर्दा करिब ८ लाख बराबरको क्षति भएको छ ।

यस्तै केशव बहादुर थापा, दुध बहादुर चौधरी र बालकुमारी सुनार को घर जल्दा १ / १ लाखको क्षति भएको इलाका प्रहरी कार्यालय पिपराका प्रमुख गोपाल जङ्ग रायमाझीले बताए ।

आगो केही घण्टा पछि बाणगङ्गा, कपिलवस्तु र शिवराज नगरपालिकाको ३ वटा दमकल, १ वटा ट्याङ्कर, जनपथ प्रहरी, शसस्त्र प्रहरी तथा स्थानीयको सहयोगमा नियन्त्रणमा आएको थियो ।