कपिलवस्तु । कपिलवस्तुको मायादेवी गाउँपालिका–२ भैसकुन्डामा काट्ने तयारीमा रहेको गहुँमा आगो लागेको छ । कम्बाइन मेसिनको सहयोगमा गहुँ स्याहार्ने क्रममा अचानक आगलागी हुदा पौने चार लाख बराबरको गहुँमा जलेर नस्ट भएको छ ।

आगलागीमा गहुँसहित कम्पाइन मेसिन समेत जलेर नष्ट भएको जिल्ला प्रहरी कार्यलयका प्रहरी नायब उपरीक्षक हरि बहादुर ओलीले जानकारी दिए । स्थानीय लहेब खाको गहुँ खेतमा कम्बाइन मेसिनले गहुँ स्याहार्ने क्रममा आगलागी भएको हो । आगलागीबाट लु २ त ८८५६ नम्बरको कम्बाईन जलेर पुर्णरुपमा नष्ट भएको छ ।

सो कमबाईन मेसिन स्थानीय मुस्ताक अहमद्को प्रहरीले जनाएको छ। आगलागीबाट ३ बिघा खेतमा लगाइएको काट्ने तयारी अवस्थामा रहेको गहुँ नष्ट हुँदा पौने चार लाख बराबरको क्षति भएको प्रहरीले जनाएको छ । सो आगलागी कपिलवस्तु नगरपालिकाबाट गएको दमकल, प्रहरी र स्थानीयवासीको प्रयासमा आधा घण्टापछि नियन्त्रणमा लिइएको थियो।