निरन्तर व्यवसायीको पक्षमा उद्योग व्यापार संघ: अध्यक्ष पौडेल

उद्योग व्यापार संघ कपिलवस्तुले स्थापना भएको छोटो समयमै गरेका विभिन्न सामाजिक क्रियाकलाप सार्वजनिक गरेको छ । संघले स्थापना भएको एक वर्षको अवधिमा भए गरेका कामको विवरण सार्वजनिक गरेको हो । २०७९ माघ १० गते सम्पन्न संघको अधिवेशन सम्पन्न भई खिमानन्द पौडेल अध्यक्ष सहितको कार्यसमिति निर्माण भएको थियो । उक्त समितिले गरेका कामको मंगलबार संघको कार्यलयमा सार्वजनिक गरिएको छ । संघले यस अवधिमा विभिन्न सामाजिक काम गर्नुका साथै व्यवसायीको हक हितमा थुप्रै काम गरेको जनाएको छ ।

संघका अध्यक्ष पौडेलले आफू पदाधिकारी भएको अर्को दिन देखिनै विभिन्न कार्यमा सहभागि हुँदै सङ्घलाई संस्थागत गर्न तर्फ लागिएको बताए । उनले उद्योग व्यापार संघ निरन्तर व्यवसायीको पक्षमा रहेको बताए । उनले संस्था स्थापना भए पछि संस्थाले गरेको कामको समीक्षा, उपलब्धि लगायतको बारेमा जानकारी गराएका थिए ।

उहाँले संस्था स्थापना भएको छोटो समयमा धेरै प्रगति र समाजसेवा गर्न सफल संस्थाले प्रगति योग्य काम गरेको उल्लेख गर्नु भयो । यता स्थानीय तहले उद्योग व्यापार संघ, कपिलवस्तुलाई फरक दृष्टिकोण राखेर विभेद गरेको समेत उहाँले बताए ।

यस्तै कार्यक्रममा एभरेष्ट चेम्बर अफ कमर्श एण्ड ईन्ड्रष्टिज भारतकासह महामन्त्री गोविन्द पोख्रेलले उद्योगी व्यवसायीका पिर मर्का बुझ्ने कोही नहुँदा व्यापार व्यवसाय धर्मराएको बताए । उनले यसको समस्या समाधान नदेखेर व्यवसायीहरू पलायनको बाटो रोज्न बाध्य भएको बताए ।

कार्यक्रममा एभरेष्ट चेम्बर अफ कमर्श एण्ड ईन्ड्रष्टिज भारतका सहमहामन्त्री जेपी पाण्डेले सङ्घलाई सफलताको शुभकामना व्यक्त गरेका थिए । संस्थाका पुर्व अध्यक्ष हुमनाथ पौडेल, अन्य पदाधिकारी, व्यवसायी, पत्रकारहरू कार्यक्रममा सहभागि थिए । यसैबीच उद्योग व्यापार संघ कपिलवस्तु यहीँ माघ ३ गते भारतको राजधानी दिल्लीमा लागेको उद्योग एक्जीवेसनको अवलोकनका लागि जाने भएको छ ।

375