महासचिव गुटेरेस लुम्बिनीमा

रुपन्देही

संयुक्त राष्ट्रसंघका महासचिव एन्टोनियो गुटेरेस मंगलबार गौतमबुद्धको जन्मस्थल लुम्बिनी पुगेका छन् । उनलाई प्रधानमन्त्री पुष्पकमल दाहाल ‘प्रचण्ड’, संस्कृति, पर्यटन तथा नागरिक उड्डयनमन्त्री सुदन किराती, लुम्बिनी प्रदेशका मुख्यमन्त्री डिल्लीबहादुर चौधरीलगायत व्यक्तिले स्वागत गरेका थिए ।

गुटेरेस अन्नपूर्ण आधारशिविरको अवलोकन भ्रमणपश्चात् लुम्बिनी पुगेका हुन् । लुम्बिनीमा उनले मायादेवी मन्दिरको अवलोकन गर्नेछन् । उनले लुम्बिनी विकास गुरुयोजनाका बारेमा जानकारी लिनेलगायत कार्यक्रम रहेको परराष्ट्र मन्त्रालयले जनाएको छ ।

लुम्बिनीमा करिब डेढ घण्टा बिताएपछि गुटेरेस काठमाडौं फर्कनेछन् ।