कपिलवस्तुका ८ पालिकाको मात्रै बजेट पेश

कपिलवस्तु । कपिलवस्तुका दशवटै पालिकाले आगामी आर्थिक वर्ष २०८०÷८१ का लागि बार्षिक नीति तथा कार्यक्रम सार्बजनिक गरेका छन । १० मध्ये ८ पालिकाले बजेट सहीत नीति कार्यक्रम सार्वजनिक गरेका छन भने २ पालिकाले नीति तथा कार्यक्रम मात्र सार्वजनिक गरेका हुन ।

जिल्लामा बााणगंगा नगरपालिका र बुद्धभुमि नगरपालिकाले शनिबार नै वार्षिक बजेट तथा कार्यक्रम सार्वजनिक गरेका थिए भने कपिलवस्तु, महाराजगंज, कृष्णगनर र शिवराज नगरपालिकाले आईतावार बजेट सहीत नीति तथा कार्यक्रम सार्वजनिक गरेका छन ।

यस्तै गाउँपालिका तर्फ बिजयनगर र शुद्धोदन गाउपालिकाले पनि आईतावार बार्षिक नीति कार्यक्रम र बजेट सार्वजनिक गरेका छन । तर मायादेबी गाउपालिका र यशोधरा गाउपालिकाले भने बाािर्षक नीति र कार्यक्रम मात्र ल्याएका छन । यी दुई पालिकाले बजेट भने सार्वजनिक गर्न सकेनन् । स्थानीय सरकार संचालन ऐन २०७४ अनुसार स्थानीय तहहरुले असार १० भित्रै बजेट पेश गर्नुपर्ने व्यवस्था छ ।

आगामी आर्थिक वर्षका लागि कपिलवस्तु नगरपालिकाले ९२ करोड ९२ लाखको बजेट पेश गरेको छ भने बाणगंगाको १ अर्व ५६ करोड ३२ लाख ९३ हजार, बुद्धुभुमीको १ अर्व १८ करोड २२ लाख २७ हजार, महाराजगंजको ९२ करोड ७५ लाख ८१ हजारको बजेट पेश भएको छ ।

यस बाहेक शिवराज नगरपालिकाले १ अर्व २७ करोड ५ लाख ५० को बजेट ल्याउँदा कृष्णनगर नगरपालिकाले ६८ करोड ९९ लाख ८६ हजार १२५ रुपैया को बजेट पेश गरेको छ ।

यस्तै बिजनगर गाउँपालिकाको ५५ करोड ७९ लाख ८ हजार र शुुद्धोन गाउँपालिकाले ४९ करोड ४२ लाख ५८ हजार २३ रुपैया बजेट प्रस्तुत गरेका छन ।