सितगंगामा ट्याक्टर दुर्घटना, एकको मृत्यु

अर्घाखाँची। अर्घाखाँचीको सितगंगा नगरपालिकामा ट्याक्टर दुर्घटना हुँदा एक जनाको मृत्यु भएको छ । शितगंगा नगरपालिका वडा नम्बर ४ रातामाटामा एक स्थानीयको बारी जोत्ने क्रममा ट्याक्टर पल्टदा सोही स्थानका चालक राजु नेपालीको मृत्यु भएको हो ।

सितगंगा नगरपालिका ४ रातामाटास्थित सडकमा लु ४ त ९४१८ नम्बरको ट्याक्टर बारी जोत्ने क्रममा आइतबार साँझ दुर्घटना हुँदा चालक सोही नगरपालिका कोप्चेवास बस्ने ३६ वर्षीय राजु नेपालीको घटनास्थलमै मृत्यु भएको प्रहरीले जनाएको छ ।

नेपालीको घटनास्थलमै मृत्यु भएको प्रहरी निरीक्षक होमनाथ रेग्मीले जानकारी दिनुभयो । घटनाबारे थप अनुसन्धान भइरहेको उहाँले जानकारी दिनुभयो ।