बाणगंगा ८ को नर्सरीमा आगलागी, दमकलको सहायताले आगो निभाइयो

कपिलवस्तु । कपिलवस्तुको बाणगंगा नगरपालिका वडा नम्बर ८ स्थित उदयपुरमा लागेको आगो दमकलको सहायताले आज (बुधबार) दिउसो नियन्त्रणमा लिएको छ । अत्याधिक गर्मी मौसमका बिच बुधबार दिउसो करिब १ बजेको समयमा उक्त नर्सरीमा आगोलागि भएको हो ।

उदयपुर खानेपानी क्षेत्रको नर्सरीमा दिउसो एक्कासी लागेको आगोले नर्सरी क्षेत्रबाट मानवीय वस्ती समेत जोखिममा परेका बेला बाणगंगा नगरपालिकाको दलमकल र स्थानीय तथा जनप्रतिनिधिहरुले आगो नियन्त्रणमा लिएको वडा नम्बर ८ का वडा सदस्य शैलेन्द्र बेल्वासेले जानकारी दिनुभयो ।

उक्त नर्सरी क्षेत्रमा किन र कसले आगो लगायो भन्ने अझै खुलेको छैन । नर्सरीको दक्षिण र पश्चिममा मानवीय वस्ती क्षेत्र रहेका कारण जोखिमपूर्ण रुपमा रहेको भए पनि कुनै मनवीय तथा बस्ती क्षेत्रमा क्षेती नभएको वडा सदस्य बेल्वासेले बताउनुभयो । नर्सरीको करिब ८ बिगाह क्षेत्रमा आगो लागेको थियो । समयमै नगरपालिकाको दमकल आएपछि आगो नियन्त्रणमा आएको उहाँले बताउनुभयो ।

अत्यधिक गर्मी र सुख्खा मौसमका बेला वन तथा नर्सरीहरुमा हुने डढेलोका कारण वन क्षेत्रको नजिकै भएका मानवीय वस्ती क्षेत्र अत्याधिक जोखिममा हुने गर्दछन् ।