बाणगंगामा बलेराेकाे ठक्करबाट एक युवकको मृत्यु

कपिलवस्तु । कपिलवस्तुको बाणगंगामा बलेराेकाे ठक्करबाट एक जनाकाे मृत्यु भएको छ ।

शनिबार साँझ करिब ६ बजे बाणगंगाकाे चार नम्बरमा भएको उक्त दुर्घटनामा परी बाणगंगा नगरपालिका वडा नम्बर ३ बस्ने वर्ष ३६ का राममिलन चाैधरीकाे मृत्यु भएको हाे । गाडीको ठक्करबाट गम्भीर घाइते भएका चाैधरीकाे कपिलवस्तु सामुदायिक अस्पतालमा प्रारम्भिक उपचार पछि थप उपचार गर्न ताैलिहवा स्थित जिल्ला अस्पतालमा लैजाने क्रममा मृत्यु भएको प्रहरीले साझाकुरालाई जानकारी दिएकाे छ ।

ठक्कर दिने सवारी साधन फरार भएकाे इलाका प्रहरी कार्यालय पिपराले साझाकुरालाई जनाएको छ । फरार सवारीसाधनकाे खाेजी भइरहेको छ भने उक्त घटनामा संकास्पद मानिएका केही सवारीसाधन नियन्त्रणमा लिएर अनुसन्धान भइरहेको प्रहरीले जनाएको छ । दुर्घटना के कति कारणले भएको भन्ने अनुसन्धानका क्रममा रहेको जनाइएको हाे ।