कपिलवस्तुमा बेवारिसे अवस्थामा चामल र युरिया मल फेला

कपिलवस्तु । कपिलवस्तुको यशोधरा गाउँपालिका ७ स्थित नुनुवाबाट मंगलबार करीव २ लाख ६७ हजा रुपैयाँ बराबरको ५२ क्विन्टल चामल र साढे ३ क्विन्टल युरिया मल बरामद गरिएको छ ।

भारतबाट अवैध रुपले ल्याई बेवारिसे अवस्थामा राखिएको उक्त चामल तथा मल सशस्त्र प्रहरी बल नेपाल बिओपी मर्यादापुर र सुठौली भन्सार कार्यालयका कर्मचारीले बरामद गरेको हो ।

बरामद चालम तथा मल सुठौली भन्सार कार्यालयमा बुझाइएको सशस्त्र प्रहरीले जनाएको छ।