रवि लामिछानेको नागरिकता अवैध ठहर, गयो सांसद र मन्त्री पद

काठमाडौं । सर्वोच्च अदालतले राष्ट्रिय स्वतन्त्र पार्टीका सभापति एवं उपप्रधान तथा गृहमन्त्री रवि लामिछानेले प्रयोग गर्दै आएको नागरिकता प्रमाणपत्र अवैध रहेको ठहर गरेको छ ।

यससँगै उनको सांसद पद गएको छ । नेपाली नागरिक नरहेको ठहर भएकाले मन्त्री पद पनि जाने देखिन्छ ।सर्वोच्चका कामु प्रधानन्यायाधीश हरिकृष्ण कार्की नेतृत्वको संवैधानिक इजलासले शुक्रवार रविको नागरिकता अवैध भएको ठहर गरेको हो ।सर्वोच्चको फैसलापछि रवि सांसद रहन अयोग्य ठहरिएका छन् ।गत मंसिर ४ गते सम्पन्न प्रतिनिधिसभा निर्वाचनमा उनी चितवन– २ बाट भारी मतले विजयी भएका थिए । अब त्यहाँ उपनिर्वाचन गर्नुपर्ने छ ।अमेरिकी पासपोर्ट त्यागे पनि नेपाली नागरिकता पुनस् प्राप्ति नगरी उम्मेदवारी दिएकाले उनी सांसद बन्न अयोग्य रहेको भन्दै सर्वोच्चमा रिट परेको थियो ।

सोही रिटमा सुनुवाइपछि शुक्रवार फैसला सुनाइएको हो ।

120