कृष्णनगरमा मनाइयो राष्ट्रिय योग दिवस

अजय मिश्र, कृष्णनगर । कपिलवस्तु जिल्लाको कृष्णनगरमा आज जीवनको चाहना योग शिक्षा र साधना भन्ने नाराका साथ राष्ट्रिय योग दिवस मनाइएको छ । कृष्णनगर नगरपालिका अन्तर्गत संचालित नागरिक आरोग्य सेवा केन्द्र (आयुर्वेद शाखा) को आयोजनामा सरसफाई तथा योगाभ्यास गरि मनाएको हो ।

नगरका प्रत्येक नागरिकलाई योग अपरिहार्यताको बोध गराउन, सबैलाई योगमय गराइ स्वस्थ जीवनको परिकल्पनालाई साकार पार्ने, दिर्घकालिन रोगको नियन्त्रण गर्ने प्रमुख उदेश्यका साथ राष्ट्रिय योग दिवस मनाइएको नागरिक आरोग्य सेवा केन्द्र कृष्णनगर प्रमुख कविराज नागेश्वर मिश्रले बताए ।

विहान ६ः३० देखि ७ः३० सम्म योग शिविर संचालन गरि त्यस पछि कृष्णनगर बजारमा सरसफाई गरि कृष्णनगरको गोलघर चोकमा सभा आयोजना गरि कार्यक्रम समापन गरिएको थिया ।

कार्यक्रममा वडा अध्यक्ष कृष्ण कुमार गुप्ता, राहुल मोदनवाल, नारायण कनोडिया, पुष्कर गुप्ता, प्रवेज पाठक, विनय गिरि, चन्द्रभान पाण्डेय, सुरेन्द्र प्रसाद शुक्ल, लगायत जनप्रतिनिधि, समाजसेवी, शिक्षक, बुद्धिजीवी, शिक्षाप्रेमी, नेपाल प्रहरी, सशस्त्र प्रहरी पत्रकार लगायतको उपस्थितमा कार्यक्रम सम्पन्न भएको थियो ।