प्यूठानमा थापासँग मतान्तर कम गर्दै पौडेल

प्यूठान । प्यूठानमा मंगलबार बिहानबाट सुरु भएको प्रतिनिधिसभा र प्रदेशशभा तर्फको मतगणनाको परिणाम आउने क्रम सुरु भएको छ । अपराह्न ४ बजेसम्मको विवरण अनुसार नौबहिनी गाउँपालिकाको मत परिणाम सार्वजनिक भएको छ ।

११ हजार ६ सय ८ मत खसेकोमा नेकपा एमालेका सूर्य थापाले ५ हजार ८ सय ७३ मत प्राप्त गरेका छन् । सत्ता गठबन्धनतर्फ राजमोकी उम्मेदवार दुर्गा पौडेलले ४ हजार ३ सय ३७ मत प्राप्त गरेकी छन् । थापा र पौडेलबीच हाल १ हजार ५ सय ३६ मतान्तर रहेको छ ।

दुई प्रदेशसभा निर्वाचन क्षेत्र रहेको प्यूठानमा प्रदेश १ मा एमालेका तुल्सीराम शर्माले अग्रता कायम गरेका छन् । शर्माले २ हजार २ सय २८ मत प्राप्त गर्दा नेकपा माओवादी केन्द्रका कृष्ण अधिकारीले १ हजार ९ सय ६९ मत प्राप्त गरे ।

एमालेका शर्मा र माओवादीका अधिकारीका बीच २ सय ५९ मतान्तर छ । प्रदेश निर्वाचन क्षेत्र नं २ मा नेपाली कांग्रेसका सरोज थापालाई पछि पार्दै एमालेका हरि प्रसाद रिजालले अग्रता कायम गरेका छन् । एमालेका रिजालले १ हजार ९ सय ८६ मत प्राप्त गर्दा नेपाली कांग्रेसका थापाले १ हजार ७ सय ६५ मत प्राप्त गरे ।

117