उम्मेद्धार शर्माले भने, “परिवर्तनका लागि एउटा युवाले आँट गरेको छ”

कपिलवस्तु । हाम्रो नेपाली पार्टीबाट ‘लौरो’ चुनाव चिन्ह लिएर कपिलवस्तु क्षेत्र नम्बर १ मा प्रतिनिधि सभाका लागि उम्मेद्धारी दिएका इन्जिनियर देबेन्द्रकुमार शर्माले आफूले जित्ने दाबी गरेका छन् । उनले मतदाताका घरघरमा आफू पुगिरहेको र जिल्लाको विकासमा जनताले नयाँ उम्मेद्धार खोजि गरेको पाएको बताए ।

उनले एक कार्यक्रमलाई सम्बोधन गर्दै भनेका छन्, आज परिवर्तनका लागि एउटा युवाले आँट गरेको छ, यो आँटलाई कपिलवस्तुका जनताले राम्रोसँग हेरिरहेका छन्। उनले भने म इन्जिनियर बनेर यो देशको डिजाइनको नक्सा बनाउछु भनेको मान्छे, नक्सा बनाएर मात्र हुदो रैनछ यहाँ, अब कानुन बनाउने ठाउमा जानुपर्ने रहेछ ।

यस्तै उम्मेद्धार शर्माले एक युगमा एक पटक मात्रै उलटपुलट आउने भन्दै कपिलवस्तुबासीले मंसिर ४ गते युवा उम्मेद्धारलाई साथ दिएमा देश र जिल्लाको विकासमा परिवर्तन ल्याउन सकिने पनि स्पष्ट पारेका छन् । आफू एक्लैले नसक्ने भन्दै उनले भने, मंसिर ४ गते कपिलवस्तुबासीले चाहनुभयो भने युवाले अवसर पाउने छ । आज पनि कतिपयले आदीवासी, जनजाती र मधेसीका नाममा भोट मागिरहेको भन्दै उनले विसुद्ध नेपालीको नाममा भोट माग्ने आफू मात्रै भएको पनि दाबी गरेका छन् ।

देश र जिल्लाको विकासको नाममा आफूले जस्तै कसैले एजेण्डा बनाएर भोट मागेको भए इन्जिनियर देबेन्द्र कुमार शर्मालाई भोट दिन नपर्ने पनि उनको प्रष्टी छ । अहिले विकास र नेताहरुको लडाइ रहेको भन्दै उनले जनताले यसपटक विकासको एजेण्डालाई छोडेर नेतालाई भोट दिए भने सधै पछाडि परिने पनि बताएका छन् ।

120