तपाईं सगँ ड्रोन छ, सावधान ! तपाईं कारबाही मा पर्न सक्नुहुन्छ

काठमाडौं अब कुनै पनि ड्रोन उडाउन सरकारबाट अनुमति लिनुपर्ने भएको छ । सोमबार एक विज्ञप्ति जारी गर्दै गृह मन्त्रालयले अनुमति नलिई ड्रोन उडाउने व्यक्तिमाथि कारबाही गर्ने चेतावनी दिएकाे छ ।

अत्यावश्यक कामका लागि दुई केजीभन्दा कम तौलका ड्रोन उडाउनका लागि प्रयोगकर्ताले जिल्ला प्रशासन कार्यलयबाट अनुमति लिनुपर्ने हुन्छ । त्यस्तै दुई केजीभन्दा माथि तौल भएका ड्रोन उडाउन प्रयोगकर्ताले गृह मन्त्रालयबाट अनुमति लिनुपर्ने विज्ञप्तिमा उल्लेख गरिएको छ ।

“मानवरहित हवाई उपकरण (Remotely Piloted Aircraft (RPA) Known as ‘Drone’) उडान कार्यविधि २०७५” मा ड्रोन उडाउन विभिन्न निकायबाट अनुमति लिनुपर्ने व्यवस्था रहेको छ । यदि उल्लेखित कार्यविधि पालना नगरी ड्रोन उडान गरेमा कानून बमोजिम कारबाही हुने भएको हुँदा सम्बन्धित सबैमा जानकारीका लागि अनुरोध छ,” विज्ञप्तिमा उल्लेख छ ।

पछिल्लो समय विभिन्न व्यक्ति तथा निकायले अनुमति नलिई अनधिकृत रूपमा ड्रोन उडाएको जानकारी आएपछि मन्त्रालयले विज्ञप्ति जारी गर्दै त्यसो नगर्न सचेत गराएको छ ।

133